Papiamentu
Djawèps 24 di sèptèmber alrededor di 3:40 di mardugá, polis a detené un hòmber di 44 aña di edat, ku inisialnan G.G.d.P., riba Kaya Barakuda pa sospecha di manehá bou di influensia di alkohòl, manehá sin reibeweis i pa no kumpli ku òrdu di polis.
Segun informashon di polis, un patruya a duna e konduktor señal pa para pa un kòntròl rutinario. Durante e kòntròl, e sospechoso a mustra diferente karakterístika ku por indiká ku e tabata bou di influensia di alkohòl. Ademas, e no por a presentá un reibeweis válido.
Ora polis a duna òrdu pa hasi un tèst di supla, e hòmber a nenga di kooperá. komo resultado, polis a detené i a transport’é pa warda di polis, kaminda a tuma un muestra di sanger pa análisis.
E sospechoso a haña un prohibishon temporal pa manehá di un ora i tambe a haña un prosès-verbal.
Kargando komentarionan...