Konseho di Minister a aprobá proposishon pa nombrá Jonathan Johnson komo Representante di Reino interino pa Boneiru, Sint Eustatius i Saba. E nombramentu ta drenta na vigor promé di yanüari 2027 i lo formalisá mediante un Dekreto Real.

Johnson (50), ku a nase na Saba, tabata gezaghèber di Saba for di 2008 te 2026. Den e funshon aki e tabata responsabel pa, entre otro, órden públiko i siguridat, maneho di krísis, gobernashon públiko i representashon di Saba. Promé ku su nombramentu komo gezaghèber, e tabata direktor di un skol sekundario na Saba i a fungi den vários funshon sosial.

Advertisement

Johnson ta susedé Jan Helmond, ku ta okupá e funshon di Representante di Reino desde novèmber 2017.

Funshon interino

E nombramentu di Johnson komo Representante di Reino interino ta tuma lugá durante revishon di e Wet openbare lichamen Bonaire, Sint Eustatius en Saba (WolBES). Den e proposishon pa Herzieningswet WolBES ta stipulá ku e funshon di Representante di Reino lo keda, pero ku e funshon lo ta organisá di un manera diferente.

Representante di Reino tin un ròl di konekshon entre Reino i entidatnan públiko di Boneiru, Sint Eustatius i Saba. E funshon ta inkluí tareanan relashoná ku bon gobernashon i supervishon inter-atministrativo.