Festival Kanta Bo Boneiru 2026 a tuma lugá djasabra 15 di ougùstùs den Corallium Hotel, kaminda 15 partisipante a kompetí den kategorianan di mucha/hóben i adulto pa kantikanan ku lo forma parti di selebrashon ofisial di Dia di Boneiru 2026.

Den kategoria di mucha/hóben, Juliendra Janga a sali komo gran ganadó ku su komposishon “E Mensahe pa un Miho Boneiru”. Segundo finalista tabata Kaythly Toregosa ku “Boneiru Bo Ta Parti di Mi”, mientras ku terser finalista tabata Jurswin Martina ku “Boneiru Ban Selebrá”. E promé finalista den e kategoria tabata Jarnely Reyes Sanches ku “Nos Isla Boneiru.”

Advertisement

Ademas, Nathaniel Melaan a gana premio pa mihó letra ku “E Mensahe pa un Miho Boneiru,” mientras ku Robert Felida a haña premio pa mihó areglo musikal di e mesun kantika.

E premio pa mihó letra i mihó areglo den kategoria di adulto a bai pa Jurgen La Croes ku su komposishon ganadó “Boneiru.”

Tur kantante a keda kompañá durante e festival pa Orkesta Nashonal di Boneiru, ku a kontribuí na un anochi musikal di kalidat haltu.

Festival Kanta Bo Boneiru ta un evento anual ku ta brinda kantantenan lokal oportunidat pa mustra nan talento i kontribuí na selebrashon di Dia di Boneiru. E kantikanan ganadó di edishon 2026 lo haña un lugá spesial den e festividatnan ofisial di Dia di Boneiru.