Miembro di Konseho Insular di Boneiru, Jona Chirino (UPB), a duna detaye tokante e biahe resien pa Sint Maarten, kaminda e kuerpo legislativo kompleto a partisipá den e asina yamá ‘BES Summit’. Durante e kumbre aki, a deliberá riba tòpikonan klave pa protehá e islanan, partikularmente riba tereno di enseñansa, kuido médiko i e posishon di outoridat di representantenan regional na Hulanda.

Un di e puntonan di mas importante ku konsehal Chirino a enfatisá ta preservashon di nos idioma materno Papiamentu i fortifikashon di outoridat kultural den region. Segun Chirino, e debatenan entre e kuerponan legislativo a demostrá ku e invershonnan ku ta bini di Hulanda mester bira mas fásil i struktural pa asina por frena pèrdida di herensia di e islanan.

Huntu ku esaki, islanan BES a duna señal di alerta i a unifiká nan preokupashon pa loke ta trata rotashon frekuente di profeshonalnan di salubridat i kalidat di servisio na Zorg en Jeugd Caribisch Nederland (ZJCN). Chirino a kualifiká e inkonstansia aki komo un di e aspektonan mas desfaborabel den e sistema aktual di salubridat públiko.

Na final konsehal Chirino a boga pa e islanan establesé un ofisina formal na Hulanda ku lo mester keda bou di enkargo di un representante, pa asina por tin mihó kordinashon i representashon direkto pa kuido médiko.

Advertisement