KPCN ku kòntròl dirigí riba dòmtrùk

Orden Públiko i Seguridat

KPCN ku kòntròl dirigí riba dòmtrùk

Pa AC 21 Apr, 2026 5 Min Lesa 71 Bishitante

Den oranan di atardi i anochi di djasabra 18 di aprel, Polis Kòrsou Karibe Hulandes (KPCN) a ehekutá un kòntròl rutinario na vários lugá, ku enfoke prinsipal riba dòmtrùk ku ta transportá karga.

Durante e kòntròl, a para i kontrolá un total di 11 vehíkulo. Durante e inspekshon, a konstatá diferente violashon, manera:

2 but pa manehá sin plachi di number bálido;
2 but pa manehá sin reibeweis bálido;
1 but pa manehá sin seguro bálido;
1 kaso kaminda a konfiská un plachi di number falsifiká;
4 atvertensia pa iregularidat ku plachi di number.

KPCN ta hasi un apelashon na tur shofùr pa kumpli ku reglanan di tráfiko i pa sòru ku tur dokumentonan nesesario ta na òrdu. Durante e kòntròlnan, agentenan lo sigui wak pa tur partisipante den tráfiko ta aktua di akuerdo ku lei, pa asina garantisá nan mesun seguridat i esun di otro.