Maria Corina Machado, lider di oposishon venezolano, ta sigui su gira den Europa pa buska mas sosten internashonal pa un kambio demokrátiko na Venezuela.

E biahe a kuminsá dia 13 di april na Paris, kaminda el a reuni ku presidente di Francia Emmanuel Macron. Den e reunion, nan a papia riba kon pa promové demokrasia i stabilidat na Venezuela. Despues di Paris, Machado a tene kontakto ku representante di gobièrnu Hulandes i otro organisashon internashonal. E diskushonnan tabata enfoká riba forma pa yuda oumenta preshon diplomátiko riba e situashon na Venezuela.

E fase mas importante di su gira ta na Madrid, Spaña. Aya, el a tene reunion ku varios lider polítiko, inkluyendo Alberto Núñez Feijóo, Santiago Abascal i Isabel Díaz Ayuso. Sinembargo, no a tuma lugá un reunion ku presidente di gobièrno Pedro Sánchez. Ademas di reunion polítiko, Machado a topa ku komunidat venezolano na Spaña durante un evento na Puerta del Sol. El a papia ku diferente hende i a manda un mensahe di speransa pa futuro di Venezuela.

Durante su bishita na Madrid, el a risibí e yabi di Oro di Madrid komo rekonesementu pa su trabou polítiko. Segun planifikashon, e gira por sigui na otro kapital europeo manera Bruselas, Berlin i Roma, pero esakinan ainda no ta konfirmá. Ku e biahe aki, Machado ta buska fortalesé apoyo internashonal i mantene atenshon riba situashon polítiko na Venezuela.

Advertisement