Papiamentu
Boneiru a drenta den sentro di atenshon internashonal ku realisashon di e PWA Youth World Cup 2026. E awanan kristalino di Sorobon na Lac Bay a sirbi komo punto di enkuentro kaminda e mihó windsurfernan hóben di mundu a bin pa kompetí na nivel mas haltu.
E kompetensia di e kategoria mundial akí a konta ku partisipashon di hóbennan den e kategorianan U13, U15, U17 i U21. Aki nan demostrá nan abilidat tantu den disiplina di fin slalom komo den foil slalom. E evento a lanta hopi interes serka públiko lokal i bishitantenan ku a presensia e karedanan tur e dianan.
Durante un kòmbersashon ku e hóbennan tokante nan eksperensia den e kompetensia internashonal, nan a bini ta mustra un gran motivashon pa e oportunidat di por midi nan forsa deportivo kontra tòp koredónan di rònt mundu. Xavi Werleman a duna un bista mas amplio tokante konosementu di kondishonnan lokal.
E bientu tradishonal di Karibe i bahia di Lac un biaha mas a konfirmá dikon Boneiru ta keda konsiderá un di e mihó destinashonnan na mundu pa e deporte akí, sirbiendo komo un plataforma ekselente pa e krea i promové futuro kampionnan mundial di windsurf.
Kargando komentarionan...