Resientemente, outornan Elsmarie Beukenboom i Delno Tromp a realisá un bishita na tantu Kòrsou komo Aruba ku e meta pa presentá i entregá nan buki pa mucha titulá "Quingo Flamingo" na diferente instansia i personanan klave.

Durante nan estadia na Kòrsou, e outornan a bishitá diferente organisashon pa asina garantisá ku e buki ta aksesibel pa e komunidat. Algun ehemplar a keda entregá na Gobernador di Kòrsou, Biblioteka Nashonal Kòrsou i tambe Museo Mongui Maduro

Na Aruba tambe e outornan tabatin un agènda variá, kaminda nan a duna rekonosementu na importansia di preservashon di idioma i historia. Nan a entregá e buki na Promé Minister di Aruba, señor Mike Eman, Biblioteka Nashonal Aruba i Archivo Nashonal i Instansianan lingwístiko i kultural manera Caribiana, Fundacion di Corectornan i Fundacion Lanta Papiamento.

E obra ta strukturalista komo un buki edukativo pa mucha, kaminda e protagonista ta un flamingo ku yama Quingo. E storia ta hiba e moveshon di e flamingo for di Boneiru pa e islanan bisiña:

1. Kòrsou: Quingo ta biaha pa Kòrsou kaminda e ta topa ku un lora. Aki e ta haña sa ku tin un kolonia di flamingo ta biba den e saliñanan di Santu Wilibròdu.
2. Aruba: Despues di a sera amistat na Kòrsou, Quingo ta kontinuá su aventura pa Aruba. Einan e ta topa ku personanan i bestianan lokal manera Choko, Patrishi i Caskabel.

Banda di e narashon, e buki tin un balor agregá dor di duna informashon detayá i edukativo tokante e fauna ku ta keda menshoná den e storia. Esaki ta hasi e obra un instrumento útil pa siña mucha tokante naturalesa i e lasonan entre islanan ABC.

Advertisement