Papiamentu
Gezaghèber di Boneiru a stipulá un maneho nobo pa arma di kandela, ku ta pone fin na e paro temporal di petishonnan nobo.
Habitantenan por hasi petishon pa importá, eksportá òf poseé un arma di kandela pa metanan permití. Bou di e maneho nobo, tin kondishonnan adishonal pa siguridat.
Pa hase e petishon mester, entre otro, entregá deklarashon médiko di dòkter di kas i optometrista, i mustra ku nan tin konosementu sufisiente pa manehá un arma di kandela di manera sigur. Tambe tin reglanan pa e tipo di arma i munishon ku ta permití.
E maneho ta kontené tambe instrukshonnan pa skopèt di airu, arma di airsoft i paintball.
Petishonnan nobo por keda entregá na Gabinete di Gezaghèber. Un pèrmit ta bálido pa un aña i mester keda renobá kada aña. Pa pèrmitnan eksistente, petishonnan pa prolongashon por wòrdu entregá entre 1 di sèptèmber i 15 di òktober 2026.
Personanan ku tin un arma di kandela sin pèrmit bálido por entregá e arma na polis te ku 31 di ougùstùs 2026.
Pa mas informashon, habitantenan por tuma kontakto ku Gabinete di Gezaghèber.
Kargando komentarionan...