Papiamentu
Djaluna 17 di ougùstùs, alrededor di 10.30 or di anochi, e meldkamer sentral a risibí un notifikashon tokante un grupo di hóben riba ‘fatbike’ ku tabata tira vürwèrk na Kaya Felipi G. Clarinda.
Ora polis a sali pa investigá e reporte, nan a topa ku un hóben na Kaya Monseigneur Nieuwindt ku tabata tira vürwèrk. E agente-nan a intervení mesora i a konfiská e vürwèrk.
Advertisement
Segun polis, e vürwèrk a wòrdu konfiská pasobra no ta temporada pa tira vürwèrk. No a reportá ningun herido ni daño durante e insidente.
Kargando komentarionan...