Papiamentu
Korps Politie Caribisch Nederland (KPCN) ta tuma diferente medida den preparashon pa Dia di Rincon 2026 pa garantisá seguridat i órden públiko.
Durante e evento, polis lo ta presente na un manera visibel i aserkabel den Rincon. Pa sostené seguridat, a otorgá pèrmit pa vigilansia di kámara temporal. Tambe por apliká listramentu preventivo si ta konsiderá nesesario.
Polis a indiká ku lo tuma akshon inmediato den kaso di violensia, agreshon kontra outoridat, molèster serio, òf poseshon di droga òf arma.
Durante marchanan, shofurnan di trùk lo wordu kontrolá riba dokumentonan manera reibeweis balido i seguro. Tambe polis lo hasi tèst di alkohòl ku tur shofur.
Den kuadro di tráfiko, KPCN ta pidi pa hende maneha ku kuido, no stür bou di influensia i tene kuenta ku otro usuario riba kaminda, spesialmente riba Kaminda di Rincon. Ta enfatisá pa stashoná di un manera responsabel, ya ku vehikulonan por wòrdu kitá (tow) si nan ta parker patras di barikada òf dilanti porta di entrada. E gastunan di tou lo ta pa kuenta di e doño di e vehíkulo.
Polis a indiká ku e medidanan tin komo meta pa prevení insidente i mantené un ambiente seif durante Dia di RIncon 2026.
Kargando komentarionan...