Papiamentu
Dos hòmber a keda detené djasabra 30 di mei despues di un problema entre bisiñanan na Kaya Theresa F. Ilario.
Alrededor di 5:25 or di atardi, meldkamer sentral di KPCN a risibí un notifikashon tokante un alterkashon entre personanan den e bario. Ora polis a yega na e lugá, nan a topa ku e personanan enbolbí den e insidente.
Segun informashon di Kuerpo Polisial, despues di un investigashon preliminar, dos sospechoso a ser detené na e sitio pa menasa i destrukshon. Esakinan ta un hòmber di inisial J.J.L.J., di 37 aña, i un hòmber di inisial G.A.G.W., di 44 aña.
E dos sospechoso a ser hiba pa detenshon pa investigashon mas aleu. Outoridatnan a indiká ku e investigashon den e kaso ainda ta den desaroyo.
KPCN no a duna mas detayenan tokante e motibu di e disputa na e momento aki.
Kargando komentarionan...