Papiamentu
Polis a konfiská kuater skuter probablemente prosedente di ladronisia despues di un investigashon na un kas bandoná na Kaya Tintorero.
Djaluna, 16 di yüni, alrededor di 6:40 di atardi, Meldkamer Sentral a risibí un notifikashon ku den un kas bandoná na Kaya Tintorero tabatin varios skuter ku posiblemente tabata prosedente di ladronisia.
Ora polis a yega na lugá, nan a topa tres skuter di marca Kymco, modelo Agility, tur sin plachi di number. Segun polis, e skuternan tabata falta diferente piesanan. E tres vehíkulonan a keda konfiská pa mas investigashon.
Durante e inspekshon di tereno pafó di e kas, polis a topa ku un di kuater skuter ku tambe tabata sospechá di ta prosedente di ladronisia. E vehíkulo aki tambe a keda konfiská.
Investigashon posterior a permití polis konfirmá ku algun di e skuternan tabata registrá den kehonan ofisial komo hòrtá.
Polis a indiká ku e investigashon den e kaso ta kontinuá pa determiná origen di tur e skuternan i identifiká eventual sospechoso(nan).
Kargando komentarionan...