Hòfi Kultural ta enfrentando un situashon finansiero preokupante ku por frena aktividatnan, debí ku e sentro no a risibí supsidio korespondiente for di Direktorado di Kuido. E retraso aki ta kousando preokupashon spesialmente bou di personanan ku ta partisipá na e plataforma frekuente.

Jefferson Rosalia, koordinadó di Plataforma Kultura, a splika ku for di dia 14 di mart e petishon pa e fondonan nesesario ta entregá. Sin embargo, te ku dia di awe e sentro no a risibí e transferensia i tampoko no a haña un solushon konkreto ainda.

E posibilidat ku Hòfi Kultural por sera su portanan tin un impakto direkto riba e bishitantenan di edat avansá. Pa hopi di nan, e sentro aki ta representá un pilá fundamental den nan bida diario i sosial.

Sra. Ingrid Mercelina, kende ta deskribí e sentro komo su "di dos kas", a enfatisá ku e ambiente alegre i e muzik ta esensial pa su salú. Segun Mercelina, un eventual kousa di e aktividatnan lo por nifiká isolashon i un rísiko haltu di depreshon pa e grandinan.

Sra. Ria Dokter a agregá ku na Hòfi Kultural, kaminda nan ta dediká tempu na obra di man, muzik i fortifiká lasonan sosial, ta wòrdu konsiderá e mihó parti di siman pa e adultonan mayor. Pèrdè e espasio aki lo nifiká un pèrdida grandi pa nos komunidat.

Te ku awor, Hòfi Kultural ta keda den un estado di insertidumbre miéntras ta spera riba un kontesta òf e fondonan pa garantisá kontinuidat di e programanan sosial i kultural.

Advertisement