Selibon N.V. ta pidi koperashon di komunidat pa usa fasilidatnan di shushi korekto pa un Boneiru mas limpi

Naturalesa i Medio Ambiente

Selibon N.V. ta pidi koperashon di komunidat pa usa fasilidatnan di shushi korekto pa un Boneiru mas limpi

Pa LJ 13 Aug, 2026 5 Min Lesa 6 Bishitante

Selibon N.V. ta duna di konosé ku e situashon rondó di e maneho di shushi na e lokalidatnan di Morotin i Lagun ta aktualmente kompletamente bou di kontrol. Apesar ku e situashon ta stabilisá, e kompania di sushi ta hasi un yamada na henter komunidat di Boneiru pa e manera ku ta atendé ku desperdisio i ta pidi pa tur hende hasi uso responsabel i korekto di bakinan di shushi, pa evitá ku ta laga shushi benta abou kantu di e bakinan.

Clinton Kirindongo, bosero di Selibon N.V., a rekordá komunidat riba funshonamentu korekto di tashon di medio ambiente na Morotin. E fasilidat aki ta spesialmente diseñá i destiná pa shushinan ku por wòrdu resiklá, ku e meta pa promové un bida mas sostenibel i kuida medio ambiente. Pa e otro tiponan di desperdisio ku no ta pa resiklahe, tin bakinan disponibel pafó di e fasilidat.

Apesar di e fasilidatnan aki, e kompania ta enfatisá ku siudadano tin un responsabilidat ora e yega na e sitio. Den kaso ku ripará ku bakinan disponibel ta yen kaba, e siudadano no mester laga su shushi bentá banda di nan, sino dirigí su mes direktamente na lèntfil Lagun. Selibon ta rekordá ku entrada i entrega di shushi na e lèntfil ta un servisio kompletamente grátis pa henter komunidat.

Pa konkluí, e bosero a enfatisá ku mantenshon di nos isla limpi no ta un tarea di Selibon so, sino un esfuerso konhunto. Ta di suma importansia pa nos tur koperá i asumí nos responsabilidat pa asina logra i mantené un Boneiru mas limpi, saludabel i organisá pa tur habitante i bishitante.