Shete Inspektor a Huramentá komo BAVPOL

Orden Públiko i Seguridat

Shete Inspektor a Huramentá komo BAVPOL

Pa AC 20 Aug, 2026 5 Min Lesa 54 Bishitante

Shete inspektor di Direktorado di Supervishon i Mantenshon di Lei a huramentá komo Agente Polisial Ekstraordinario (Buitengewoon Agent van Politie – BAVPOL) riba djabièrnè 7 di ougùstùs 2026. Ku esaki, e direktorado awor tin un total di 21 inspektor ku e status di BAVPOL.

E shete inspektornan a kompletá nan formashon di BAVPOL eksitosamente na kuminsamentu di aña. Durante e formashon, nan a risibí konosementu tokante lei penal, prosesamentu penal, redakshon di prosèsverbal i uso di kompetensianan den kuadro di e lei.

Segun e direktorado, e kompetensianan di un BAVPOL ta dependé di su instrukshon, akta di nombramentu i e legislashon i regulashon vigente. Entre e kompetensianan ku por apliká tin kòntròl di identidat i traha prosèsverbal.

Ku e ampliashon di e grupo di BAVPOL, Direktorado di Supervishon i Mantenshon di Lei ta disponé di mas inspektor ku por aktua den situashonnan ku ta kai dentro di nan kompetensianan.

E huramentashon ta forma parti di e proseso di formashon i desaroyo di personal den e direktorado, ku ta sigui invertí den konosementu i preparashon di su empleadonan.