Djadumingu 31 di mei 2026, Stichting Nationale Parken Bonaire (STINAPA) a selebrá su di 40 aniversario den grandi. E selebrashon a tuma lugá pa medio di un evento grátis titulá ‘DANKI’, kaminda naturalesa, kultura i idioma a bini huntu pa selebra kuater dékada di e organisashon i su eksistensia.

Un di e atrakshonnan ku a hala atenshon tabata e koperashon entre Tera Barra i STINAPA. Pa e okashon akí, e dos organisashonnan a uni forsa pa regalá mata lokal grátis na e bishitantenan. E inisiativa akí tin komo meta pa enkurashá habitantenan pa krea mas area bèrdè den nan mes kurá, ku ta yuda mantené e eko sistema di Boneiru salú.

Tur dos a kompartí historianan balioso i detayenan interesante tokante e 40 añanan di historia di Washington Park. Nan a enfatisá kon e parke a pasa den diferente transmishon i transformashon pa bira e pila di konservashon ku e ta awe, protehando e flora i founa úniko di e isla.

E evento DANKI aki tabata e promé di un seri di aktividat ku STINAPA tin planiá pa e aña di hubileo akí. Mas lat den aña, pa e amantenan di deporte lo tin un trail run den Washington Park na ougùstùs, i den e último kuartal lo bini un simposio ku ekspertonan lokal i internashonal pa debatí riba e futuro di nos naturalesa protehá.

Ku e éksito di DANKI, STINAPA ta mustra un biaha mas ku naturalesa i kultura ta kana man den man na Boneiru.

Advertisement