Un masa di stof di desierto di Sahara ta moviendo den Karibe durante e dianan aki. Imágennan di satélite meteorológiko ta mustra ku un konsentrashon moderá di stòf di Sahara ta move for di Afrika bai west pa medio di Atlántiko pa drenta Karibe. Ounke e no ta konsiderá severo, residientenan di Boneiru por nota un atmósfera mas seku i temperaturanan mas haltu durante dia.

Personanan ku asma, alergia òf otro problema respiratorio ta ser konsehá pa limitá aktividatnan pafó durante periodonan ku e konsentrashon di stòf ta subi. Partíkula chikitu di stòf por kousa iritashon den garganta, tosamentu òf wowonan ku ta kore awa, spesialmente ora bientu ta supla mas fuerte.

E fenómeno aki, konosí komo "Saharan Air Layer", ta komun entre mei i ougùstùs i ta hunga un ròl importante den patronchinan meteorológiko di Karibe. E masa di airu seku por redusí formashon di nubia i awa seru, i tambe yuda limitá desaroyo di tormentanan tropikal den Atlántiko.

Visibilidat pa sambuyá i aktividatnan marítimo rònt Boneiru ta generalmente bon, ounke ku bista leu riba laman por parse un tiki mas wazig durante e periodonan di stòf aki. Apesar di e shelu menos bon visibel, residente i bishitantenan probablemente lo por disfrutá di un efekto positivo di e fenómeno ku lo ta bahada di solo impreshonante ku kolo kòrá i oraño. 

Modelonan di pronóstiko ta sugerí ku e kondishonnan di e stòf aki lo por kontinuá riba Boneiru i den Karibe durante e próksimo dianan promé ku e mengua dependiendo di bientu.

Advertisement