Papiamentu
Durante mardugá di djamars 14 pa djabièrnè 15 di aprel, e negoshi Robby Grill a pega kandela.
Segun informashon, e parti pafó di e trùk a keda seriamente kimá, miéntras ku e parti paden a keda intakto. Propietario Robbie Statius a indiká ku e tin sospecho tokante ken por ta responsabel pa e insendio, i ku tin kamaranan di seguridat den bisindario ku por yuda klarifiká e situashon.
Informe di polis ta mustra ku riba djamars 14 di aprel, rònt di 2:15 di mardugá, sentral di meldkamer a risibí un notifikashon di kandela na Kaya J.E. Nicolaas. Na yegada, polis a haña ku kabina di un vehíkulo, ku ta wòrdu usa komo trùk di kuminda, tabata na kandela. Pa motibu ku e kandela a kuminsá ekspandé, polis a evakuá habitantenan den bisindario komo medida di seguridat. Poko despues, brantwer a yega na e sitio i a logra dominá e kandela.
Polis a tuma un keho di insendio i a kuminsá un investigashon pa determiná kousa eksakto di e kandela.
Kargando komentarionan...