Federashon Futbòl Kòrsou (FFK) a informá, 11 di mei 2026, ku bondscoach Fred Rutten a disidí di laga su funshon komo entrenador di selekshon nashonal di Kòrsou.

Faltando apénas algun siman pa debut históriko di Kòrsou den Mundial di FIFA 2026, Federashon di Fútbol di Kòrsou (FFK) ta den un situashon kompliká ku e selekshon nashonal. Esaki ta debí na kambionan resien den kuerpo tékniko, kaminda por mira transishon entre entrenadónan Dick Advocaat i Fred Rutten. Informashonnan resien ta indiká ku Fred Rutten a entregá su retiro komo tékniko di Kòrsou. Su nombramentu a bini despues di salidá di Dick Advocaat, kende a hunga un ròl fundamental pa guia e selekshon nashonal pa nan promé klasifikashon históriko pa Kopa Mundial.

Despues di a alkansá logro históriko di klasifikashon pa Kopa Mundial, Dick Advocaat a tuma e desishon di retirá pa motibunan familiar personal. Sinembargo, e periodo bou di mando di Fred Rutten ku tabata un reto basta grandi, tabatin vários informe di tenshon interno den e grupo, resultadonan ku no tabata stabil, i diferensia di opinion pa loke ta trata su estilo di trabou. 

Segun informashonnan di diferente fuente, Dick Advocaat ta den un proseso pa regresá komo entrenador di e selekshon nashonal. Esaki ta surgi despues di un preshon fuerte for di tantu e hungadónan komo e spònsernan, kende ta deseá su liderasgo bèk.

Maske FFK no a duna un konfirmashon ofisial riba tur detaye, ta bisto ku e enfoke prinsipal ta pa re-establesé stabilidat den e ekipo nashonal promé ku Mundial.
Kòrsou ta keda marká historia komo un di e nashonnan di mas chikitu ku a yega di klasifiká pa un Mundial, apesar di e desafionan i falta di stabilidat resien. Pa e dianan i simannan ku ta sigui, lo determiná si Advocaat lo asumi su ròl ofisialmente atrobe, òf si e Federashon mester opta pa un alternativa temporal den preparashon pa e kompetensia.

Advertisement