CBCS ta emití dos moneda konmemorativo pa klasifikashon di Kòrsou pa Mundial 2026

Deporte

CBCS ta emití dos moneda konmemorativo pa klasifikashon di Kòrsou pa Mundial 2026

Pa AC 07 May, 2026 5 Min Lesa 70 Bishitante

Central Bank van Curaçao en Sint Maarten a emití dos moneda konmemorativo pa marka klasifikashon di selekshon nashonal di Kòrsou pa Mundial FIFA 2026. Ta trata di un moneda di plata di Cg 5,00 i un moneda di sirkulashon di Cg 0,50.

E promé golpe seremonial di e moneda di plata a tuma lugá na Koninklijke Nederlandse Munt na Houten. Húngadó di selekshon Juninho Bacuna i èks-entrenadó Dick Advocaat a partisipá den e seremonia. Bou liderato di Advocaat, Kòrsou a klasifiká pa Mundial pa promé bia den su historia.

Segun CBCS, e monedanan ta sirbi komo rekuerdo permanente di e logro deportivo. Diseño di e monedanan ta inkluí un ola blou, silueta di húngadónan, e streanan di bandera di Kòrsou i un bala di futbòl.

Bosero di CBCS, Nancy van der Wal, a deklará ku e institushon a tuma e inisiativa pa inmortalisá e momento ku dos moneda konmemorativo.

Na e evento tabatin presente tambe Wouter Jansen di Federashon Futbòl Kòrsou, Kees Jansma, Bert van Ravenswaaij di Royal Dutch Mint i Danielle Ranzijn.

Invitadónan na e evento seremonial di e monedanan

E moneda di plata di Cg 5,00 lo ta disponibel ku un preis di Cg 175,00. E moneda di Cg 0,50 lo drenta sirkulashon via bankonan komersial na Kòrsou i tambe lo ta disponibel den pakete pa kolektornan na CBCS.