Papiamentu
Direktorado di Salubridat Públiko (DVG), pa medio di su sistema di vigilansia epidemiológiko, a nota un oumento den kantidat di kaso di Rotavirus den muchanan di 0 te ku 14 aña, kompará ku añanan anterior.
Rotavirus ta un di e kousanan mas komun di gastroenteritis pa mucha. E virus ta hopi kontagioso i ta transmití fasilmente pa medio di kontakto ku man, superfisio òf obheto kontaminá. Na lugánan kaminda muchanan ta hunga i kompartí huntu, manera na skol, e virus por propagá rápidamente.
Rotavirus ta un virus ku ta kousa gastroenteritis, esta inflamashon di stoma i tripa. E ta un di e kousanan mas komun di habrimentu di barika severo serka mucha chikí, spesialmente esnan bou di 5 aña.
Síntomanan prinsipal ta:
- Diarrea severo;
- Sakamentu;
- Keintura;
- Doló di barika;
- Deshidratashon.
E mihó manera pa prevení Rotavirus ta:
- Laba man regularmente ku awa i habon;
- Mantené bon higiena, spesialmente despues di kambia pampers i promé ku prepará òf kome kuminda;
- Limpia i desinfektá superfisionan i koi'i hunga regularmente.
Den mayoria kaso, e enfermedat ta pasa den algun dia, pero deshidratashon por bira serio, spesialmente serka mucha chikí. Si un mucha tin diarea severo, sakamentu persistente, òf señalnan di deshidratashon, mester buska atenshon médiko mesorá.
Kargando komentarionan...