Un büró di un diputado ta konsistí di sosten polítiko, di kual e empleadonan mes ta ambtenar i no outoridat polítiko. Outoridatnan polítiko den gobernashon ta gezaghèber, diputado i miembronan di Konseho Insular.

Salario di diputado

Un diputado na Boneiru ta risibí un salario bruto di USD 109.702 pa aña òf aproksimadamente USD 9.142 bruto pa luna.

Aparte di e salario, un diputado tin derecho riba:

• un toelage di 6% pa kubri gastunan di representashon i otro gastunan relashoná ku e funshon;
• bonifikashon di fakansi;
• bonifikashon di fin di aña.

E toelage di 6% ta representá aproksimadamente: USD 6.582 pa aña òf USD 549 pa luna. Esaki ta pone kompensashon anual di un diputado (sin konta bonifikashonnan laboral) na aproksimadamente USD 116.284 pa aña.

Kosto di un büró di diputado

Un büró kompletu ta konsistí di:

• 2 portefeuilleadviseur (skal 13) 
• 1 portefeuillesecretaris (skal 12) 
• 1 officemanager (skal 8) 

Un portefeuilleadviseur ta den skal 13 ku un salario entre USD 5.835 i USD 6.685 bruto pa luna. Dos konsehero huntu ta representá un kosto mensual di aproksimadamente USD 11.670 te USD 13.370 bruto.

Un portefeuillesecretaris ta den skal 12 ku un salario entre USD 5.070 i USD 5.920 bruto pa luna. Un officemanager den skal 8 tin un salario entre USD 2.850 i USD 3.360 bruto pa luna.

E kosto total di personal di un büró kompleto ta USD 19.590 te USD 22.650 bruto pa luna. Pa aña esaki ta representá USD 235.080 te USD 271.800 bruto, sin inkluí kontribushonnan di dunadó di trabou i kondishonnan sekundario. Ku bonifikashon di fakansi, bonifikashon di fin di aña i otro gastunan laboral, e kosto total por subi te riba USD 300.000 pa aña pa büró.

Kosto total diputado i Büró

Si e salario i benefisionan di diputado keda kombiná ku e kosto di su büró, e kosto anual na personal por yega aproksimadamente:

Salario diputado: ± USD 116.284
Büró diputado: ± USD 300.000

Total indikativo: mas o ménos USD 416.000 pa aña pa un diputado ku su Büró.

Overbruggingsuitkering

Durante último periodo di gobernashon di 4 aña, Boneiru a konosé un total di 10 diputado. Aparte di salario, toelagen i kosto di büró, por tin tambe gastunan di overbruggingsuitkering ora un diputado laga e funshon. Esaki ta dependé di e kondishonnan stipulá i kada kaso ta keda evaluá segun faktornan manera e periodo sirbí i kondishonnan aplikabel.

Advertisement