Papiamentu
FIFA a tuma e desishon di suspendé sanshon outomátiko di un partido pa Folarin Balogun delantero di Merka, despues di su karchi kòrá den e enkuentro kontra Bosnia i Herzegovina. Pa e motibu aki, Balogun por forma parti di e ekipo den e próksimo partido di Round of 16, 6 di yüli, kontra Bélgika.
E karchi kòrá a keda duná na Balogun direktamente despues ku VAR a determiná ku su entrada riba Tarik Muharemović tabata un "serious foul play". Ounke e tipo di sanshon aki usualmente ta trese un suspenshon outomátiko pa e siguiente wega, den e kaso aki e situashon a kambia.
Presidente Donald Trump, a intervení pidiendo Gianni Infantino, presidente di FIFA, pa un revisashon di e medida. Konsekuentemente, FIFA a apliká Artíkulo 27 di kódigo disiplinario pa laga e suspenshon sin efekto inmediato, permitiendo Balogun hunga, maske e karchi kòrá mes ta keda komo parti di su historial.
Esaki a lanta hopi polémika den mundu di futbòl. Miéntras Federashon di Bélgika a kuestioná e legalidat di partisipashon di Balogun, UEFA tambe a mustra su preokupashon kon FIFA ta interpretando su reglanan den e kaso partikular aki. Di su parti, FIFA ta insistí ku tur kos a kana segun reglamentonan vigente.
Kargando komentarionan...