Sosten pa alumno i famia ku funshonarionan intermediario

Gobernashon i Polítika

Sosten pa alumno i famia ku funshonarionan intermediario

Pa AC 19 Sep, 2026 5 Min Lesa 5 Bishitante

Entidat Públiko Boneiru (EPB) ta reforsá e kolaborashon ku funshonarionan intermediario, ku ta sirbi komo punto di kontakto entre alumno, studiante, mayor, skol i partnernan den e sektor sosial.

Durante un enkuentro di intervishon resientemente, e funshonarionan a interkambiá eksperensia i a diskutí kon nan por sigui mehorá e sosten na alumno i famia.

E inisiativa ta bini di Aliansa Oportunidat Igual i ta koordiná pa Direktorado di Komunidat i Kuido di EPB, den kolaborashon ku skolnan i otro partnernan di kadena. E funshonarionan intermediario ta identifiká señalnan na tempu, skucha famia i alumno, i kaminda ta nesesario referí nan na e yudansa apropiá. Nan ta forma tambe parti di Maneho Seguridat Integral di gabinete di Gezaghèber.

Durante e enkuentro, diputado Silberie a enfatisá e importansia di skucha siudadanonan i pone atenshon na aspektonan sosial di kada situashon.