Papiamentu
Kuater inspektor di Direktorado di Supervishon i Mantenshon di Lei a presta huramentu riba djabièrnè 9 di òktober 2026 komo Polis Ekstraordinario (Buitengewoon Agent van Politie – BAVPOL).
Ku e huramentashon aki, e direktorado tin awor un total di 25 inspektor ku tin e status di BAVPOL.
Promé ku nan huramentashon, e inspektornan a sigui un formashon den diferente área, entre otro derecho penal, aktua komo agente i redaktá un prosèsverbal.
E kompetensianan ku nan a risibí ta keda registrá den nan instrukshon i akta. Entre e atribushonnan ta e posibilidat pa para un persona pa determiná su identidat.
Ku mas inspektor ku tin e kompetensianan di BAVPOL, e direktorado por realisá sierto tarea di supervishon i mantenshon di lei ku mas personal disponibel.
E huramentashon ta forma parti di e proseso di profeshonalisashon di Direktorado di Supervishon i Mantenshon di Lei i di e formashon kontinuo di su empleadonan.
Kargando komentarionan...