Papiamentu
Den oranan di mardugá di awe, djasabra 19 di sèptèmber, meldkamer sentral di polis a risibí un notifikashon tokante un kaso di tiroteo den e área di Nikiboko.
Polis a bai na e sitio i, na yegada, a tuma nota di loke ta parse ser perforashonnan di bala na un outo ku ta pertenesé na un agente polisial.
Kuerpo Polisial Karibisch Nederland (KPCN) ta investigando e kaso. Te awor, no a duna informashon adishonal tokante e sirkunstancianan ku a hiba na e tiroteo òf si tin sospechoso detení.
KPCN ta pidi tur hende ku por a mira, tende òf tin informashon relevante tokante e kaso pa komuniká ku polis na 715-8000. Tambe ta posibel pa duna informashon di forma anónimo via e liña 9310.
KPCN ta enfatisá ku ta tuma tur kaso ku ta relashoná ku arma di kandela na serio. Segun polis, no tin toleransia pa agreshon, menasa òf uso di arma di kandela kontra agente polisial òf habitantenan di Boneiru, Sint Eustatius i Saba.
Kargando komentarionan...