Papiamentu
Boneiru a logra resultado ekstraordinario durante IFCA 2026 European Championships, na Hvide Sande, Dinamarka. E windsurfernan di Frans Paradise tabata entre e mihó atletanan di Europa, ku prestashonnan impreshonante den diferente kategoria.
Tycho Smits a logra di dos lugá den kategoría Youth, ganando medaya di plata. Den e kategoría Junior, Arxon Gomperts a dominá e kompetensia i a bira Kampion Europeo ku un promé lugá i medaya di oro.
Taty Frans tambe a demostrá su klase mundial dor di logra di dos lugá den kategoría Men, resultando den Vice Kampion Europeo. Ademas, el a sali kampion den kategoría Master, ku un medaya di oro.
E resultado nan ta reflehá talento, dedikashon i trabou duru di e deportistanan di Frans Paradis, kende ta sigui representá Bonaire ku orguyo na nivel internashonal. Kompetí kontra e mihó windsurfernan di Europa i logra resultado asina ta un testimonio di nan kalidat i kompromiso ku deporte.
Komunidat di Bonaire tin motibu pa sinti orguyo di e atletenan aki, kende ta sigui pone nos isla riba mapa internashonal i inspirá generashon nobo di deportistanan lokal.
Kargando komentarionan...