Kampionnan di Karibe, kual ta Boneiru, a marka historia na Merka dor di titulá Kampion Mundial di PONY Mustang World Series 2026 despues di un viktoria aplastante i dominante di 12 pa 0 kontra ekipo di Mexico (Los Mochis) den Gran Final na Youngsville Sports Complex. 

Ku e triunfo aki, e atletanan di Boneiru a kaba e torneo internashonal kompletamente invikto (4-0), demostrando un nivel di beisbòl superior, bataso na momentonan klave, picheo sólido i un korementu di base agresivo ku a desarmá tur rival.

Wega 1: Bonaire 9 vs Chongqing (China) 8

Boneiru a gana ekipo di China ku skor pèrtá di 9-8, destakando ku Boneiru a hòrta un total di 16 base riba e defensa di China.

Wega 2: Bonaire 9 vs Irvine (California) 2

Boneiru ta derota ekipo lokal di Merka 9-2, aki Boneiru a mustra su poder ofensivo ku un di 3 entrada eksplosivo di 6 kareda.

Wega 3: Bonaire 5 vs Chongqing (China) 1

Un bes mas Boneiru mester a hunga ku China pa por klasifiká pa e gran final i dominio di picheo tabata klave permitiendo solamente 1 kareda den 5 entrada asina vense e ekipo di China pa di dos be den e torneo i klasifiká pa final.

Gran Final: 12 Bonaire vs Los Mochis (Mexico) 2

Den final e ekipo di Boneiru a sa di kaba ku tur duda i a aplastá su rival. ku Picheo fuerte i dominante i un di 3 entrada ku 6 kareda empuha a sòru pa e ekipo titulá kampion via di Knock out (ganá pa diferensia di 10 kareda) den e di 4 entrada.

Advertisement