Papiamentu
Djabièrnè 4 di sèptèmber, alrededor di 1.30 or di mèrdia, polis a detené un dama di 39 aña ku inisialnan A.I.L. riba Kaya Korona, bou di sospecha di maltrato di un ámtenar den funshon.
Segun informashon di polis, e detenshon ta relashoná ku un notifikashon tokante un problema entre un studiante, un mayor i un dosente na un skol situá na Kaya Barakuda. Na yegada di polis na e skol, polis a topa ku diferente persona riba e tereno di parkeo. E agente(nan) a purba papia ku e sospechoso, pero segun polis, e no a duna oido na e instrukshonnan.
E sospechoso a drenta den su outo i a sali for di e sitio na un velosidat haltu. Polis a sigui e vehíkulo i despues a logra blòkia e outo riba Kaya Korona. Segun polis, ora e sospechoso a baha for di e vehíkulo, el a dal un agente polisial ku a kana den su direkshon.
E dama a keda detené i hibá na warda di polis pa sigui ku e investigashon.
Kargando komentarionan...