Papiamentu
Den oranan di anochi di djaweps, 10 di sèptèmber, polisnan di KPCN a tene un kòntròl di tráfiko dirigí riba velosidat riba Bulevar Gobernador N. Debrot.
Ku yudansa di un “lasergun”, polis a midi velosidat di 53 vehíkulo ku tabata aserkando. Durante e akshon, a emití un total di shete (7) but.
Advertisement
E butnan a keda duná pa siguiente violashon:
- 5 but pa surpasá velosidat máksimo permití di 40 km pa ora;
- 1 but pa manehá sin reibeweis bálido;
- 1 but pa manehá sin seguro bálido.
KPCN a indiká ku lo sigui tene kòntròl di velosidat na vários lugá riba i ta hasi un yamada na outomobilista pa pone atenshon na nan velosidat.
Polis ta rekordá ku den área urbanisá (bebouwde kom) velosidat máksimo permití ta 40 km pa ora, miéntras ku pafó di bebouwde kom velosidat máksimo permití ta 60 km pa ora.
Kargando komentarionan...