Papiamentu
Entidat Públiko Boneiru ta hasi un yamada na tur empresario pa entregá na tempu un petishon pa dispensashon di orario regular di anochi durante i rònt di Nochebuena i Kambio di Aña.
E fecha límite pa entregá e petishonnan ta 16 di novèmber 2026. Petishonnan ku drenta despues di e fecha akí no lo keda trata.
Empresarionan mester manda nan petishon via email i añadí un kopia di pèrmit bálido di establesimentu. Den kaso di negoshi di hóreka, mester entregá tambe un kopia di e pèrmit bálido di bibida i hóreka.
E petishonnan ku a keda entregá na tempu i haña aprobashon lo ta disponibel pa inspekshon mas tardá dia 18 di desèmber 2026 na ofisina di Pòst i Archivo na Kaya Grandi 51.
Entidat Públiko Boneiru ta rekordá ku sin e aprobashon rekerí, empresarionan ta den violashon di e reglanan vigente i por enfrenta medida di mantenshon di lei.
Kargando komentarionan...