Papiamentu
Partido polítiko nobo Ánimo a anunsiá awe, 16 di sèptèmber su entrada den e panorama polítiko di Boneiru. E partido yama Partido Alternativa Nobo, Íntegro, Motivá i Orguyoso (ÁNIMO).
Segun informashon publiká, ÁNIMO ta presentá un vishon pa un Boneiru fuerte, uní i ku oportunidat pa un i tur por desaroyá i kontribuí na futuro di Boneiru. “Nos ke inspirá i mobilisá un i tur pa kontribuí aktivamente na desaroyo di nos isla,” e partido ta indiká riba su website. https://www.animobonaire.com/
Den su komunikashon, e partido ta referí na un deklarashon di Nina den Heyer, prospekto lider polítiko, kende ta pone enfasis riba importansia di un vishon komún pa un komunidat. “Un vishon komún ta duna un komunidat direkshon; un lider ku mishon ta inspirá pa alkansá e destinashon huntu,” segun Nina den Heyer.
Ku e lansamentu di ÁNIMO, un partido polítiko ta presentá su mes den komunidat di Boneiru. E partido a indiká ku mas informashon tokante su vishon i plan lo sigui den e periodo ku ta bini.
Kargando komentarionan...