Papiamentu
Polis ta investigando un posibel kaso di tiroteo ku a keda reportá djaweps 30 di yüli den oranan di anochi na Kaya De La Plata.
Segun informashon suministrá pa polis, alrededor di 9:45 di anochi, meldkamer sentral a risibí un notifikashon tokante un insidente kaminda un òf mas persona tabata involukrá. Segun e promé informashon risibí, por a tin disparonan den e área.
Despues di e notifikashon, unidat di polis a mobilisá pa e sitio i a hasi investigashon den e área. Diferente vehíkulo a keda pará i kontrolá komo parti di e investigashon. Sin embargo, durante e operashon, polis no a topa ku indikashon òf partikularidatnan ku por a konfirmá e notifikashon risibí.
A pesar di ku no a topa evidensia inmediato na e sitio, polis a indiká ku e investigashon den e kaso ta kontinuá.
KPCN ta pidi kualke persona ku a mira, tende algu òf tin kualkier informashon, pa tuma kontakto ku polis na 715-8000 òf via e liña di tep anónimo 9310.
Kargando komentarionan...