Papiamentu
Durante un seremonia spesial organisá pa Entidat Públiko Boneiru, dos siudadano lokal a risibí Premio Sambarku di Estímulo 2026 komo rekonosementu pa nan kontribushon na desaroyo, preservashon i promoshon di kultura Boneiriano.
Diputado di Kultura, Timoteo Silberie, a entregá e premionan na nòmber di Entidat Públiko Boneiru. Segun Silberie, e premio ta un manera di gradisí personanan, ku dedikashon i pashon, ta inspirá otro i ta yuda mantené herensia kultural di Boneiru bibu pa generashonnan presente i futuro.
Q’sheantely Martines rekonosé pa su kompromiso ku kultura
Hóben di 16 aña Q’sheantely Martines, a risibí e Premio Sambarku di Estímulo 2026 pa su esfuersonan den promové i preservá kultura Boneiriano pa medio di arte, poesia, aktuashon i baile.
Q’sheantely Martines ta studiando na Hulanda, e no por a tuma parti personalmente den e seremonia. Su wela, Kathleen Thielman, a represent’é durante e aktividat, risibiendo e premio na su nòmber i kompartiendo un mensahe spesial di e hóben.
Músiko i kompositor Natanael Melaan a risibí premio Sambarku di Estímulo 2026 komo rekonosementu pa su trayektoria i kontribushon balioso na sektor musikal i kultural di Boneiru.
Natanael Melaan ta konosí pa su trabou komo kompositor i promotor di músika lokal. A lo largo di su karera, el a kontribuí na enrikesementu di patrimonio musikal di Boneiru i a inspirá diferente generashon.
Kargando komentarionan...