- Energia

Kultura i Historia

Kontèst di Fli Boneiru: E di 44 edishon na Tra’i Montaña

Pa Super Admin 16 Apr, 2026 5 Min Lesa 11 Bishitante

Kontèst di Fli di Boneiru ta kumpli 44 aña di eksistensia ku un evento mas ku lo tuma lugá dia 19 di aprel na Tra’i Montaña. E organisashon ku a krea e tradishon aki durante 44 aña, ta sigui promové e aktividat kultural kaminda mucha, hende grandi i organisashonnan ta bini huntu pa partisipá den e di 44 edishon di kompetensia di fli.

Durante e dia, partisipantenan lo kompetí den diferente kategoria, inkluyendo:

e fli mas grandi;
e fli mas bunita;
e fli mas chikí;
e fli mas original;
e fli mas straño.

Gobièrnu di Boneiru lo ta representá pa Gezaghèber John Soliano i Diputado Timoteo Silberie, ken lo duna start ofisial na e kompetensia subiendo e promé fli di e aktividat. E evento lo kuminsá 7’or di mainta i lo dura te ku 7’or di anochi. Edishon di e aña aki ta dediká na Tas Construction komo apresiashon pa nan kontribushon.